Mera jo bhi hai..khud "main" hi hu..find out why...

Hi frnds,

Today, i am feeling very lonely not because i am missing someone, but because it was my decision to go(come) far away from the most important people in my life.

Everybody takes such decision in his/her life, but we should'nt forget that we owe an explanation and few essential duties which cannot be ignored.

I am missing my parents..they are my god, but i could not be like them and just for some so called "personal responsibilites" and "career move" i am not with them.

Mom, dad i really luv u and even now when i am not with you my whole life is dedicated to you...


Here what i feel and want to say...





sochta hu kya likhu, main likhu ya na likhu, likhkar bhi kya kar loonga, kya kisi

rote ko kandha dunga?

jeevan vyarth bitaya ab tak, diya nahi bas paya ab tak, haston ko rulaya ab tak,

kab kisko hasaya ab tak.

jeevan ke har pal-pal mein, "main" hi raha bas har pal mein. Is "main" se nikal na

paya ab tak, bas "main" ka hi sukh paya ab tak.

Is "main" ke maan-sarovar mein, gotey bahot lagaye hain, is "swam moh" ke jaal

mein, rishtey bahot lutaye hain.

Sapne bahot sajaya ab tak, kya khoya kya paya ab tak.Jab bhi hisaab karne ki

sochi, Khud ko rini(debtor) hi paya ab tak.


Ab likhne ki jab thaan(decided) hi li, is dil ki baat maan hi li, ye lekhni(pen)

kyon hai hans rahi, ye kyonkar vyang hai kas rahi,shabdon ne bhi kinara kar liya,

adhoorapan hi gawara kar liya, kaagaz ne bhi mukh hai mod liya,syaahi(ink) ne bhi

naata tod liya.


Main hi nishabd hun koi aur nahi, shabdon ka sahara aur nahi, ye shabd hi mujhpar

hanste hain, mujhe chhod har jagah baste hain.
Meri bhaawnaon ka ab koi roop nahi, sar par hai sooraj par dhoop nahi.

Bin prakash jeeta(lived) aaya ab tak, khud ko hi chhanv(shadow) banaya ab tak.


Bachpan mein "main" roya karta tha, aanchal jo bhigoya karta tha, aachal wo

soona-soona hai, kho gaya uska khilona hai."Main" us devi ko bhi chhod aaya,

num(wet) aanknon ke sapne tod aaya. jaane kab tak wo khadi rahi, jis path(way) main usko chhod aaya.



Jin kandhon par dekhe the mele,seekhe aur kitne khel khele.dhaaga pakad jisne

mujhe chalaya tha, pehli baar cricket khilaya tha.wahi aakhein mujhe bulati hain,

hota hun vyaakul(restless) to sulati hain.Un ankhon mein koi aasha bhi nahi, par khone ki nirasha bhi nahi.

Na shraap(curse) diya, na samwaad(dialouge) diya, jab bhi diya aashirwaad diya.

Kaise us sneh (affection) ko bhool gaya, main swaarth-vedi(self obsession) par jhool gaya.


Har cheez(thing) pe jiska hissa tha, jis bin adhoora har kissa tha, who bhai ab bhi bulata hai, mujhe yaad bahot wo aata hai.

Bachpan mein jab main masoom tha, maa-papa hain maloom tha.
Ab masoom nahi anjaan hun "main", ek khoi hui pehchaan hu "main" .

Ab bhi jab akela hota hun, main phoot-phoot kar rota hu.
jis-jis ko bhi maine bhulaya hai,wo yaad bahot hi aaya hai.

Main kisaan hun ek, bin gaon ka,bachcha bin mamta ki chhanv ka.

Maa bhi hai, papa bhi hain aur saath unke wo budhapa bhi hai.
Jis vriksh(tree) ko bada ho jana tha, us jagah par ek chhata(umbrella) bhi hai.



Ab "main" hi hun bas "main" hi hu, mera koi nahi bas "main" hi hun.
khud dukh ka dariya bhi hun "main" ,dariya ka kinara "main" hi hun.



love your parents.....